Valsad Online
Join Telegram Valsad ValsadOnline
Religion

વ્રત-તહેવાર:આજે વર્ષનું છેલ્લું પૂનમ વ્રત, 30 ડિસેમ્બરે સ્નાન-દાન કરવામાં આવશે

the-last-full-moon-of-the-year-will-be-on-29th-bathing-on-30th-december-Valsad-ValsadOnline
  • આ પૂર્ણિમાએ પોતાની ઉચ્ચ રાશિ અને 16 કળાઓ સાથે ચંદ્ર રહેશે, મંગળવાર અને માગશર નક્ષત્રનો સંયોગ પણ રહેશે
  • વર્ષનું છેલ્લું પૂનમ વ્રત 29 ડિસેમ્બર એટલે આજે કરવામાં આવશે. પૂર્ણિમા તિથિ મંગળવાર સવારે લગભગ 7-55થી બુધવારે સવારે 8-58 સુધી રહેશે. આ કારણે વ્રત અને પૂજા મંગલવારે કરવામાં આવશે. ત્યાં જ, આ પર્વમાં પુણ્ય મેળવવા માટે સ્નાન અને દાન બીજા દિવસે એટલે બુધવારે 30 ડિસેમ્બરના રોજ કરવામાં આવશે. આ માગશર મહિનાના સુદ પક્ષનો છેલ્લો દિવસ રહેશે. તે પછી 31 ડિસેમ્બરથી વદ પક્ષ શરૂ થઇ જશે.

    ખરમાસના કારણે મહત્ત્વ વધી ગયુંઃ-

    ખરમાસ હોવાથી માગશર પૂર્ણિમાનું મહત્ત્વ વધી ગયું છે. માગશર મહિનાના ભગવાન શ્રીકૃષ્ણ છે. ત્યાં જ, ખરમાસમાં પણ ભગવાન વિષ્ણુની વિશેષ પૂજા કરવી જોઇએ. એટલે આ પૂર્ણિમા સર્વ સિદ્ધિદાયક માનવામાં આવે છે. પૂર્ણિમાનું વ્રત રાખવાની સાથે જ સત્યનારાયણ વ્રત કથા અને ભગવાન વિષ્ણુની પૂજા કરવાથી આપણી દરેક પરેશાનીઓ દૂર થાય છે.

    ઉચ્ચ રાશિ અને 16 કળાઓ ધરાવતો ચંદ્રઃ-

    29 ડિસેમ્બરના રોજ ચંદ્ર પોતાની ઉચ્ચ રાશિમાં રહેશે. આ દિવસે ચંદ્ર મૃગશિરા નક્ષત્રમાં રહેશે. આ મંગળનો નક્ષત્ર છે. આ દિવસે મંગળવાર હોવાથી વિશેષ સંયોગ પણ બની રહ્યો છે. સાથે જ, ચંદ્ર પોતાની 16 કળાઓથી પૂર્ણ રહેશે. ચંદ્રની આ સ્થિતિ રોગ નાશક અને સારું સ્વાસ્થ્ય આપનાર રહેશે. એટલે આ દિવસે ચંદ્ર પૂજાનું પણ ખૂબ જ મહત્ત્વ રહે છે. આ પૂર્ણિમાના સંયોગમાં શિવલિંગ ઉપર દૂધ અને ગંગાજળ ચઢાવવાથી ગ્રહ દોષ અને સ્વાસ્થ્યને લગતી પરેશાનીઓમાં રાહત મળશે.

    અન્ન પૂર્ણિમાથી અનેક ગણું વધારે પુણ્યઃ-

    પં. ગણેશ મિશ્ર જણાવે છે કે, પૂર્ણિમાની ઉદિત તિથિ બુધવારે હોવા છતાંય એક દિવસ પહેલાં જ એટલે મંગળવારે જ વ્રત કરવું યોગ્ય રહેશે. તેના બીજા દિવસે સ્નાન અને દાન કરવામાં આવશે. આ દિવસે પિતૃઓની સંતુષ્ટિ માટે તર્પણ, સ્નાન અને દાન કરવું વિશેષ ફળદાયી રહેશે.

    પં. મિશ્રના જણાવ્યાં પ્રમાણે માગશર મહિનાની પૂર્ણિમા હોવાથી તેનું મહત્ત્વ વધી ગયું છે. આ દિવસે સ્નાન પછી સંકલ્પ લઇને ભગવાન સત્યનારાયણને ચોખા, ફૂલ, ધૂપ-દીપ અને નેવેદ્યથી પૂજા કરીને ૐ નમો નારાયણાય મંત્રનો જાપ કરવો જોઇએ. આ પૂર્ણિમાએ કરવામાં આવેલાં દાન અને પૂજાનું ફળ અન્ય પૂર્ણિમાઓથી પણ અનેક ગણું વધી જાય છે.

    Source

    Related posts

    કેમ કુંભ મેળો દર 12 વર્ષે ભરાય છે

    ValsadOnline

    ભગવાન શિવના 11 રૂદ્ર સ્વરૂપ

    ValsadOnline

    354वां प्रकाश पर्व : आदिग्रंथ साहिब को दी थी गुरु की गद्दी

    ValsadOnline